Lammidia í Abruzzo

Lammidia er nýr og agnarsmár vínbóndi í Abrúzzó héraði, með framleiðslu upp á aðeins um 15.000 flöskur árlega. Reyndar væri réttara að tala um vínbændur í fleirtölu heldur en einn bónda því tveir félagar stunda víngerðina, Davide og Marco, sem hafa þekkst frá því í leikskóla. Eftir háskóla fóru þeir í sitt hvora áttina en það var ástríðan og áhuginn á víngerð sem sameinaði þá aftur og þeir stofnuðu Lammidia.

Davide og Marco eru ekki lærðir í faginu heldur lærðu með því að heimsækja aðra vínbændur sem stunduðu náttúrulega víngerð, kynna sér aðferðir þeirra og gera tilraunir sjálfir. Náttúran er í fyrirrúmi hvort sem er úti á vínekrunni þar sem eru notaðar lífrænar og bíódýnamískar aðferðir og gróður fær að vaxa villt á milli vínviðar – eða inni í víngerðinni þar sem engu er bætt við og ekkert frá tekið; náttúruleg gerjun, eingöngu þroskað í sementstönkum (þeas engar viðartunnur) eða amfóru, engin filtering og ekkert viðbætt súlfat. Mikil sköpunargleði oog uppfinningasemi ríkir á bænum. Útkoman er þessi frábæru, ljúffengu, sjálfstæðu og lifandi vín.

Anfora Bianco (hvítvín) er glæsilegt og margslungið hvítvín úr trebbiano þrúgunni. Það þroskast í anfórum í 10 mánuði sem eru leirker eins og grikkir notuðu í gamla daga. Fær að vera með hýði í 5 daga sem gerir það að “orange” gulvíni.

Rosh (rauðvín) er léttasta rauðvínið frá Lammidia og jafnframt það yngsta (2018). Þroskast í stál- og trefjaglertönkum í nokkra mánuði áður en sett á flöskur. Að mestu leyti úr montepulciano þrúgunni með lögg af trebbiano, ferskt og léttleikandi.

Anfora Rosso (rauðvín) er fallegt, milt, mjúkt og ljúffengt rauðvín úr montepulciano þrúgunni. Það þroskast í anfóru leirkerjum í 10 mánuði áður en sett á flöskur.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s