Cantina Giardino í Campania

Vínbændurnir og hjónin Daniela og Antonio de Gruttola leiða Cantina Giardino, samstarfsverkefni sex vina í Kampanía héraði. Þeim fannst vera áríðandi að bjarga gömlum vínvið svæðisins úr útrýmingarhættu en sá gamli var og er stöðugt að víkja fyrir nýjum afbrigðum vínviðar sem gefur af sér meiri uppskeru en minna af gæðum, öfugt við gamla vínviðinn. Þau leituðu uppi litla vínbændur sem höfðu ræktað sinn gamla vínvið kynslóðum saman á náttúrulegan hátt án aukaefna og hófu samstarf við þá um framleiðslu vína undir merkjum Cantina Giardino. 2010 fundu þau og keyptu eigin vínekrur með hundgömlum vínvið frá því uppúr 1930 en halda engu að síður áfram að kaupa þrúgur af litlu bændunum í sveitinni í kring.

Þrúgurnar hjá Cantina Giardino eru líka staðbundnar og dæmigerðar fyrir þessa tilteknu sveit með rauðvínsþrúguna Aglianico í broddi fylkingar auk hvítvínsþrúganna coda di volpe, greco og fiano. Þær eru ræktaðar á lífrænan og lífefldan (biodynamic) hátt án nokkurra óæskilegra aukaefna. Í víngerðinni heldur náttúrulega ferlið áfram, engin filtering, eingöngu gerjað með náttúrulegum gersvepp og ekkert súlfat notað. Vínin gerjast hvert með sínu nefi og engu er flýtt.

Það sem gerir hvítvínin þeirra einstök er að þau fá öll að dvelja, mislengi, í snertingu við hýði og hrat (rétt eins og rauðvín/rósavín) í mislangan tíma sem gerir þau hreint út sagt mögnuð, djúpgyllt og aðeins tannísk. Svokölluð gulvín “orange wine”.

Eftirtalin vín fást í vínbúðunum Heiðrúnu og Kringlunni:

Bianco (hvítvín/1500ml) er hvítvín sem fær að vera með hýðinu 2 daga og því svokallað “orange” wine eða gulvín. Þroskað 8 mánuði í kastaníuviðartunnum.

Rosato (rósavín/1500ml) er úr sömu þrúgu og rauðvínið hér fyrir neðan, aglianico, nema fær aðeins að vera fáeina daga með hýðinu svo liturinn verður rósarauður. Útkoman er ávaxtaríkt “rauðvín” sem fær að þroskast 8 mánuði í kastaníuviðartunnum.

Rosso (rauðvín/1500ml) er eingöngu úr aglianico þrúgunni, fersk sýra og nokkur tannín með góðum ávexti.

Eftirtalið vín er eingöngu hægt að sérpanta á vef vínbúðanna:

Paski (hvítvín) er að öllu leyti úr þrúgunni coda di volpe og dvelur 7 daga með hýðinu í víngerðarferlinu sem gefur þvi djúpgylltan lit og aðeins tannískt eftirbragð. Það er þvi sannkallað gulvín (orange wine). Þroskað 12 mánuði í kastaníutunnum, djúpt, þétt og margslungið en líka ferskt og lifandi. Þrúgurnar koma af 70 ára vínið sem gerir það einstakt. Paski er eitt af stóryrkjum vínbóndans og algjörlega magnað hvítvín.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s